असं मिळवा खतांवरील अनुदान?, DAP खत 1200 रुपयांना कसं मिळवायचं? ही कागदपत्रं आवश्यक

असं मिळवा खतांवरील अनुदान?, DAP खत 1200 रुपयांना कसं मिळवायचं? ही कागदपत्रं आवश्यक

केंद्र सरकारनं गेल्या काही दिवसांपूर्वी डाई अमोनिया फॉस्फेट (डीएपी) खतावरील अनुदान वाढवण्याचा निर्णय जाहीर केला होता.

नवी दिल्ली: केंद्र सरकारनं गेल्या काही दिवसांपूर्वी डाई अमोनिया फॉस्फेट (डीएपी) खतावरील अनुदान वाढवण्याचा निर्णय जाहीर केला होता. त्या निर्णयानुसार डीएपीच्या 50 किलोच्या एका पोत्यावरील अनुदान 700 रुपयांनी वाढवून 1200 करण्यात आलं होतं. केंद्र सरकारनं डीएपीवरील अनुदान वाढवल्यानं शेतकऱ्यांना डीएपी 1200 रुपयांना उपलब्ध होणार आहे. पंतप्रधान नरेंद्र मोदी यांच्या अध्यक्षतेखाली झालेल्या बैठकीत हा निर्णय घेण्यात आला होता.

अनुदानावरील डीएपी खत कसं मिळवायचं

शेतकऱ्यांना डीएपी खरेदी करण्यासाठी 1200 रुपये द्यावे लागतील. डीएपी खरेदी करताना शेतकऱ्यांना त्यांचे आधार कार्ड किंवा शेतकरी कार्डची प्रत द्यावी लागणार आहे. याशिवाय शेतकऱ्यांना बायोमेट्रिक म्हणजेच अंगठ्याचे ठसे द्यावे लागतील. त्यानंतर केंद्र सरकार संबंधित कंपनीच्या खात्यात अनुदान जमा करेल. केंद्र सरकार एका पोत्यामागं 1211 रुपये कंपन्यांना अनुदान देणार आहे. डीएपीवरील अनुदानासाठी केंद्र सरकार 14 हजार 775 रुपये खर्च करणार आहे.

अनुदान का वाढवलं?

डीएपी आणि पीएंडके या खतांवरील अनुदानात वाढ केल्याची अधिसूचना 20 मे रोजी जाहीर करण्यात आली आहे. त्यानुसार वाढवण्यात आलेलं अनुदान 31 ऑक्टोबरपर्यंत लागू असेल. यानुसार, 2411 रुपयांचं डीएपीचं एक पोत 1200 रुपयांना शेतकऱ्यांना मिळेल. केंद्र सरकारनं डीएपीवरील सबसिडी 140 टक्के वाढवल्याचं म्हटलं आहे. कोरोना विषाणू संसर्गामुळे आखाती देशांनी डीएपी खताच्या निर्मितीमध्ये वापरल्या जाणाऱ्या कच्चा मालाची किंमत वाढवल्यानं डीएपी खताच्या किंमती वाढल्या असल्याचं सांगण्यात आलं आहे. खतांच्या वाढत्या किंमतीवरुन शेतकरी आक्रमक झाल्यानंतर केंद्र सरकारनं डीएपी आणि पीएंडके खतावरील सबसिडी वाढवण्याचा निर्णय घेतला. असं मिळवा खतांवरील असं मिळवा खतांवरील

19 मे रोजी अनुदान देण्याचा निर्णय

डीएपी खतासाठी देण्यात येणाऱ्या अनुदानाची रक्कम प्रत्येक बॅगेमागे 500 रुपयांवरून थेट 140 टक्‍क्‍यांनी वाढून 1200 रुपयांपर्यंत करण्याचा निर्णय 19 मे रोजी पंतप्रधान नरेंद्र मोदी यांनी जाहीर केला. त्यापूर्वी त्यांनी उच्च स्तरीय बैठक घेतली होती. DAP च्या आंतरराष्ट्रीय बाजारभावांमध्ये वाढ झाली असली तरी ती केवळ 1200 रुपयांच्या जुन्या दराने देण्याचा निर्णय घेतला गेला. केंद्र सरकारनेही दरवाढीचा संपूर्ण भार सोसावा, असा निर्णय घेण्यात आला होता.आतापर्यंत प्रति बॅग अनुदानाचे प्रमाण एकाच वेळी कधीही वाढविण्यात आले नाही. मागील वर्षी डीएपीची वास्तविक किंमत प्रति बॅग 1,700 रुपये होती.
संदर्भ:- TV9 Marathi

मिळवा शेती विषयक माहिती, हवामान अंदाज, तसेच शेतमालाच्या खरेदी-विक्रीचे माहिती मोफत मिळवण्यासाठी खालील लिंकवर जाऊन आमच्या WhatsApp गृपला जॉईन व्हा
टीप:- फक्त तुमच्याच जिल्ह्यात जॉईन व्हा 
https://www.krushikranti.com/whatsapp-groups/
 

 

Leave a Comment